| Bakan
Tal mês di avost 1994 i Bakan a sunavin pa
prime volte dal vîf ai Colonos di Vilecjasse, messedâs
cun altris grops ch'a si erin cjatâs par festegjâ Giorgio
Ferigo. Si po' dî che la lôr storie publiche a tache
cun cheste serade strambe, costruide su lis cjantis dai Povolâr
Ensamble e su chês dal Cjansionîr Popolâr di Dael.
In veretât un grop cui stès componèns, al esisteve
già dal 1990, nassût, cirût e volût, prime
che ta sale provis, in tas seris passadis in ostarîs plenis
di fum, cuant che in sîs di lôr a si insumiavin di sunâ
lis cjantis dai grops plui famôs.
Cussì, une cjante a la volte, tacànt dai grops inglês
e merecans tal imprin, talians plui indevant, il grop al meteve
dongje un repertori e une identitât ch'a cambiave cul plui
lâ indevant, tant che ancje il non al veve di sei diferènt.
Tal 1994, sielgìnsi il non ch'al restarà fin al di
di vuê, a si al tacave a sunâ in marilenghe, metint
dongje ai prins tòcs origjnai, cjantis di Lino Straulino,
Cjansonîr popolâr di Daèl e Povolâr Ensamble,
riviodudis in clâf “eletriche”. Tal novembar dal
1995 il Premi Friûl (vinciūt ex aequo) cul toc "Madins"; al
sarà un grant sburt a continuâ sun chê strade.
Di lì, a è tacade une serie di concers che ju a puartâs
a sunâ atôr par dute la regjon.
Cui àins il repertori al'è cressût, fintremai
che tal mês di lùi dal 2001 al nàs "Aradio",
prin CD . Registrât tal studi "Artesuono" di Stefano Amerio.
Studiât, impagjinât e produsût dai Bakan, che
cun chest lavôr a metin dongje lis cjantis e la vite dal grop
lungje ormai dìs àins.
Dopo vê finît di meti la sô part tal disco, Oscar
(un dai doi chitariscj) al è jesût dal grop, cirint
stradis gnovis pa sô musiche.
Come ch’al veve di sucedi, la musiche a je cambiade, diventant
plui elettriche, plui drète, plui batùde. 5 agns di
cjantis gnòvis a son stâs cjapâs su in tal secont
CD, “a eletric 2006”, in jesùde tal estât
dal 2006. Come par Aradio, il lavôr di regjstrasion al è
stât fat di Stefano Amerio, tal studi “Artesuono”
di Cjavalì e al è dal dùt autoprodusût,
cun ce che di bon e cui difiès che chest al compuarte.
Lis cjantis dai Bakan a contin storis piciulis e certis voltis a
restin perdudis tal ajar, contant di pensîrs e displaseis,
ligrie e fieste; peadis plui as vois da int che ai grancj fastìdis
dal mont. La musiche e lis peraulis a nassin e a madurin framiec'
i cuatri mûrs da sale provis, tacànt di une idee dal
singul, par rivà a une melodie e a un test ch'al cuviergi
in cualchi maniere il pensîr dal grop.
I Bakan no an mai cirût lis "lûs da ribalte", sunant
dapardût e par duc', ma restant simpri un pôc di tài
rispièt ai grops da regjon, ma cun dignitât, pussibilmentri
cence retoriche e, soredùt, cence cjapâsi masse sul
serio.
I Bakan a son:
Ivano Brollo
Mauro Di Giusto
Riccardo Marchetti
Renzo Brollo
Alessandro Cum
|
